“Kosovo je Srbija” në Sh.F.”Naim Frashëri” të Bujanocit

Dikush ka dëmtuar muralin në Sh.F.“Naim Frashëri“ të Bujanocit duke shkaravitur në të dhe duke shkruar në alfabetin cirilik „Kosovo je Srbija“(Kosova është Serbi).
Dukuria në fjalë ka hasur në reagime të shumta si tek politikanët vendor ashtu edhe tek organizatat e shoqërisë civile duke u quajtur si provokim i rëndë.
Autor i ngjyrosjes së muralit ditë më parë ishte organizata „Beyond“ në shenjë respekti për Kosovën dhe Shqipërinë dhe ndihmën e tyre të kohëve të fundit për arsimin shqip në Luginë.
Sh.F. „Naim Frashëri“ në Bujanoc është vatër arsimore ku mësimi zhvillohet vetëm në gjuhën shqipe.