Komuna e Bujanocit rishikon buxhetin për herën e dytë

Këshilli Komunal i komunës së Bujanocit ka rishikuar sot buxhetin e vitit 2024 për herën e dytë.

Nga rreth dy miliardë të parapara me buxhetin fillestar, sot me rishikim, buxheti u votua me 1.489.000.000 dinarë.

Në rishikimin e parë, vlera e buxhetit ishte 1.455.000.000 dinarë.

Diferenca shtesë prej 34 milionë dinarëve, midis dy rishikimeve, ka të bëj me shpërndarjen e mjeteve të Trupit Kordinues.

Për të kaluar rishikimi i dytë buxhetor duhet aprovimi në seancën e ardhshme të Kuvendit Komunal e cila është caktuar për ditën e hënë.