Këshilli Komunal i Bujanocit aprovon buxhetin për vitin 2026 

Këshilli Komunal i Komunës së Bujanocit ka miratuar buxhetin për vitin 2026, me një vlerë të përgjithshme prej rreth 1.430.000.000 dinarë. Vendimi është marrë në kuadër të seancës së 26, ku u shqyrtua dhe u aprovua edhe Plani i shpenzimeve sipas programeve, për periudhën 01.01.2026 – 31.12.2026.

Sipas planit të miratuar, shpërndarja e mjeteve buxhetore sipas programeve është si vijon:

• Banimi, urbanizmi dhe planifikimi hapësinor – 18.990.000 dinarë
• Veprimtaritë komunale – 90.000.000 dinarë
• Zhvillimi ekonomik lokal – 16.480.000 dinarë
• Zhvillimi i turizmit – 20.022.200 dinarë
• Bujqësia dhe zhvillimi rural – 10.000.000 dinarë
• Mbrojtja e mjedisit jetësor – 26.911.892 dinarë
• Organizimi i trafikut dhe infrastruktura rrugore – 119.635.000 dinarë
• Arsimi parashkollor – 205.728.100 dinarë
• Arsimi fillor – 173.104.760 dinarë
• Arsimi i mesëm – 60.055.741 dinarë
• Mbrojtja sociale dhe e fëmijëve – 44.109.865 dinarë
• Mbrojtja shëndetësore – 30.650.000 dinarë
• Zhvillimi i kulturës dhe informimit – 147.760.800 dinarë
• Zhvillimi i sportit dhe rinisë – 11.516.000 dinarë
• Shërbimet e përgjithshme të vetëqeverisjes lokale – 388.137.199 dinarë
• Sistemi politik i vetëqeverisjes lokale – 66.879.900 dinarë.

Totali i buxhetit të miratuar: 1.429.981.457 dinarë.

Këshilli Komunal po sot ka aprovuar edhe vendimin për shpërndarjen e mjeteve për investime nga Trupi Kordinues për vitin 2026 në vlerë prej 93.600.000 dinarë.

Në seancën e sotme është aprovuar edhe programi i punës së Këshillit Komunal për vitin 2026.

Përveç tjerash, Këshilli Komunal ka aprovuar edhe planet financiare me programet e punës të ndërmarrjeve publike ku themelues është komuna.

Të gjitha vendimet e sotme për të qenë të plotfuqishme duhet të marrin dritën jeshile të Kuvendit Komunal, seanca e të cilit është paraparë për datën 30 dhjetor.