Kamberi pjesëmarrës i “Epopesë së UÇK-së”

Deputeti Shaip Kamberi ka qenë pjesëmarrës në fillimin e ditëve të „Epopesë së UÇK-së“ me rastin e përvjetorit të 26 të vdekjes së komandantit legjendar Adem Jashari dhe familjes së tij.

Kamberi ka vënë kurora tek varrezat e dëshmorëve në Prekaz ndërsa me ftesë të OV, dega Skenderaj, ka marrë  pjesë në organizimin e përurimit të Pllakës “Shtëpi bazë e UÇK” në fshatin Burojë të kësaj komune.

„Bashkëbisedova e u takova me shumë komandant, ushtarë e veteran të luftës. Rrëfimet ishin nga më të ndryshmet e sakrificat e bëra për liri ishin të mëdha“, ka shkruar Kamberi në Facebook.

Mes tjerash, në Burojë, në shtëpinë e tij, Kamberi ka vizituar  edhe Haxhi Thaçin, babain e ish presidentit Hashim Thaçi.

„Edhepse në moshë të shtyer e i lodhur nga përjetimet e vështira jetësore, po qëndron i fortë e bujarë“, është shprehur Kamberi.

„Marsi dhe fillimi i tij janë edhe fillimi i çlirimit të Kosovës. E Kosova e lirë dhe e pavarur po na bënë gjithnjë e më shumë krenarë“, ka shkruar ndër të tjera deputeti Kamberi.