Futbollisti që ka rrënjë nga komuna e Bujanocit bëhet pjesë e gjigantit Bayern München

Futbollisti 13 vjeçar, Erlis Rexhepi, ka nisur një rrugëtim tek gjiganti evropian dhe botëror i futbollit, Bayern München.

Talenti i cili deri më tash ka mbrojtur ngjyrat e kategorive të reja të KF “Ramiz Sadiku “ nga Prishtina ka kaluar tek akademia e këtij klubi bavarez, e cila shquhet për shumë yje dhe konkurrencë të fortë brenda skuadrës.

Me përjashtim të fëmijëve shqiptarë të diasporës, të pakët janë futbollistët të cilët nga trojet etnike në Ballkan depërtojnë në klubet e njohura evropiane.

Ndryshe, Rexhepi ka rrënjë nga komuna e Bujanocit, meqë e ëma e tij vie nga fshati Osllarë.