Edhe deputeti popullor, Shaip Kamberi, është përfshirë në komentimin e rezultatit të shumëpërfolur të konkursit për media në komunë të Bujanocit.
Edhe deputeti popullor, Shaip Kamberi, është përfshirë në komentimin e rezultatit të shumëpërfolur të konkursit për media në komunë të Bujanocit.
Fillimisht, Kamberi ka ironizuar me slloganin e Partisë Demokratike nga zgjedhjet e fundit lokale ndërsa ka pohuar se i takon kryetarit të komunës që si ekzekutues i bixhetit të sqarojë këtë çështje.
Megjithatë, Kamberi ka paraqitur mendimin e tij se si përafërisht do duhej ndarë mjetet për mediat.
Postimi i Kamberit:
I kisha dhënë vetes detyrë që në pritje të „Ditëve të mira që po vijnë“ të mos flas për çështjet lokale.
Megjithatë, një kërkesë publike drejtuar nga pronari i mediumit Spektri, për tu deklaruar rreth konkurist të mediave të Komunës së Bujanocit, më bën të tërhiqem nga detyra që i kisha dhënë vetes, të mos përfshihem në çështjet lokale, meqë atje janë njerëzit e zgjedhur që ushtrojnë detyrat e tyre.
Sido që të jetë, si person kurrë nuk tentoj t,i shmangem përgjegjësive që kam, pavarësisht se nuk jam mjaftueshëm i informuar për të dhënë një “gjykim” lidhur me këtë temë, po i them disa fjalë:
- Mendoj se lidhur me këtë temë i pari që shtë dashur të deklaroheet është i pari i komunës si ekzekutues dhe urdhërdhënës i buxhetit,
- Partia për Veprim Demokratik, në asnjë formë nuk ka qenë e përfshirë në vendimin e kontestuar, përndryshe do të kisha informatë për këtë. Mjetet i ka “ndarë” komisioni i themeluar nga Kryeshefi i administratës, ndërsa në përbërje të komisionit duhej të ishin “gazetarët e pavarur”.
- Sugjeroj që, meqë me vendimin e Kosmisionit janë të pakënaqur disa media, rruga institucionale që duhet ndjekur është që të bëhet ankesë ndaj tij në organin e shkallës dytë, në këtë rast në Këshillin Komunal. Anëtarët e PVD-së që janë pjesë e Këshillit do të japin kontribut në përmirësimin e shkeljeve të pretenduara, nëse vërtetohen.
- Nëse doni mendimin tim personal e parimorë është ky:
- Meqë kemi të bëjmë me mjetet e buxhetit komunal, që janë mjete të taksapaguesve të Bujanocit mednoj se mediat e Bujanocit, sidomos ato tradicionale duhet të kënë një “përparësi” në shfrytëyimin e tyre. Kjo nuk do të thotë se mediat nga komunat e tjera apriori duhet refuzuar, por, se mediat “tradicionale” komunale janë ato që me dekada e kanë përcjellur situatën në komunën tonë dhe që e njohin më mirë përditshmërinë.
COMMENTS