Bashkëpunimi në horizont midis KKSH-së dhe Universitetit “Kadri Zeka” në Gjilan

Kryetari i Këshillit Kombëtar Shqiptar,Ragmi Mustafa, ka takuar sot në Gjilan rektorin e Universitetit Publik “ Kadri Zeka “, Bajram Kosumin.
Përmes profilit të tij në Facebook, Mustafa është shprehur se me rektorin e universitetit në fjalë kanë biseduar ndër të tjera edhe për thellimin e bashkëpunimit dhe ngritjen e kapaciteteve arsimore në Luginë.

Postimi i plotë i Ragmi Mustafës:

KKSH, THELLIM TË BASHKËPUNIMIT ME UNIVERSITETIN “KADRI ZEKA”
Sot pata kënaqësinë të takoj rektorin e Universitetit të Gjilanit “Kadri Zeka”, z. Bajram Kosumi.
I mirëpritur nga rektori me prorektorët e këtij institucioni rajonal të shkollimit të lartë akademik, shqyrtuam mundësitë e thellimit të bashkëpunimit në rrethanat që po krijohen.
Bashkëbiseduam për përfshirjen e nevojshme të studentëve në radhë të parë, ngritjen e kapaciteteve të mësimdhënësve përmes trajnimeve dhe krijimin e kushteve për mekanizmat e instrumentet akademike të domosdoshëm në Luginën e Preshevës.
Pas teksteve mësimore, tashmë do fillojmë përgatitjet për trajnimet e nevojshme dhe avancimin e kuadrit arsimor drejt ngritjes së cilësisë në arsim shqip në Luginën e Preshevës .
Edhe shumë punë para nesh💪.