A jeni për vendosjen e këtyre simboleve në Bujanoc ?

Në hyrje-daljet e qyteteve apo në sheshet e tyre është bërë trend të vendosen mbishkrimet që përveç emërtimit apo inicialeve të qytetit përkatës kanë edhe një zemër e cila simbolizon dashurinë për atë vend.

Me një ide të ngjashme është paraqitur edhe Nagip Tashi i cili ka paraqitur disa forma të mbishkrimit i cili do të vendosej në Bujanoc.

Tashi ka zgjedhur inicialet e qytetit „BU“ me një zemër ndërsa për këtë iniciativë ka disa propozime.

Kujtojmë se Nagip Tashi shquhet për kreativitetin e tij në fushën e artit ndërsa ka qenë autor i shumë veprave të tilla, si: Shtëpisë së Pavarsisë në miniaturë, New Bornit me borë e mbi të gjitha mozaiqeve nga druri me portretet e figurave të shquara kombëtare.

Për propozimin e fundit të tij, natyrisht se edhe ju lexues mund t’i paraqisni vlerësimet tuaja.