Kamberi falenderon institucionet e Kosovës rreth përkrahjes për përfaqësim në parlament

Deputeti popullor, Shaip Kamberi, ka takuar sot drejtuesit e institucioneve kosovare dhe ata të partive politike.

Postimi i Kamberit pas takimit me kryeministrin Kurti

Me Kryeministrin e Republikës së Kosovës, Albin Kurti , për ta falënderuar për përkrahjen e vazhdueshme publike që i ka dhënë këmbëngulësisë tonë për përfaqësim dhe për përkrahjen konkrete që po i jep Luginës së Preshevës.

Koordinimi dhe bashkërendimi i politikave është me rëndësi vitale për Luginën e Preshevës.

Faleminderit, Kryeministër 🇽🇰

Postimi i Kamberit pas takimit me kryepatlamentarin Glauk Konjufca

Me Kryeparlamentarin Konjufca, për të shprehur falenderimin tonë për përkrahjen e parezervë që na dha ne dhe që i dha nevojës për përfaqësim parlamentarë.

Glauku dhe përkrahja e tij nga pozita e Kryeparlamentarit nuk ka munguar e nuk do të mungojë as edhe në të ardhmen.

Faleminderit, Glauk 🇽🇰

Postimi i Kamberit me kryetarin e AAK-së, Ramush Haradinaj:

Në vazhdën e takimeve me liderët institucional e politik në Republikën e Kosovës takuam kryetarin e AAK, Ramush Haradinaj, me bashkëpunëtorë, me të cilin bashkëbiseduam për rrjedhat aktuale politike, për sfidat e Luginës së Preshevës dhe për kërkesat tona legjitime.

Kryetari Haradinaj i cili është i njoftuar në detaje për situatën në Luginë të Preshevës shprehu përkrahje të parezervë për kërkesat tona të drejta.

Njëkohësisht ai shprehi gatishmërinë e tij për bashkëpunim të ndërsjellë në këto procese.