Salihi flet për sfidat e të rinjve në Luginë

Qyteti i Shkupit, gjegjësisht komuna e Çairit ishte nikoqir i radhës i takimeve të LDA Ballkan.

Për të paraqitur pikëpamjet rreth problematikave të të rinjve në Luginë, audiencës iu është drejtuar edhe shefi i kabinetit të kryetarit të komunës së Bujanocit, Sali Salihi.

Përmes një postimi në Facebook, Salihi theksoi se ky ishte një nder i madh për të meqë kishte rastin të elaboroi rreth zhvillimeve në Luginë, përkatësisht tematikave që preokupojnë të rinjtë.

„Nder i madh që të jem folës në konferencën e organizuar nga Leadership Development Association Balkan – dega në RMV, ku pata rastin para audiencës të paraqes problemet dhe sfidat që të rinjtë e Luginës përballen çdo ditë.

Falemnderoj nikoqirin Komunën e Çairit dhe miqtë e mi nga LDA Balkan në Maqedoninë e Veriut për ftesën“,shkroi Salihi në Facebook.

Konferenca e radhës e LDA Ballkan do të mbahet më 18 dhjetor në Prishtinë.