KF Tërnoci favorit apsolut në ndeshjen e nesërme

Futbollistët e KF Tërnoci në kuadër të xhiros së 5-të të Ligës Zona „Jug“, nesër në terren të vet do të presin KF Vranjska Banja nga vendbanimi i njejtë.

„Agallarët“ në këtë ndeshje janë favorit apsolut duke pasur parasysh faktin se mysafirët nga katër xhirot e kaluara nuk kanë arritur të arkëtojnë asnjë pikë.

Në ndërkohë, Tërnoci nga një fitore dhe një barazim ka të grumbulluara 4 pikë dhe ndodhet në vendin e 10-të të tabelës së klasifikimit.

Takimi i nesërm fillon në ora 16:00 ndërsa krahas masave epidemiologjike në fuqi lejohet prezenca e shikuesve në kuadër të gjysmës së kapacitetit të stadiumit.