Tërnocasi Arbnor Fejzullahi me ekip të ri në Zvicër

Tërnocasi, Arbnor Fejzullahi ka gjetur ekip të ri.

Mbrojtësi i djathtë, i cili ka luajtur në Superiore me Besën dhe Partizanin, është pa skuadër prej korrikut të vitit të kaluar, periudhë kur ndërpreu bashkëpunimin me Xamax.
Karriera e 27-vjeçarit do të vijojë në këtë shtet. Ditën e sotme është prezantuar si lojtari më i ri i FC Rapperswil-Jona, skuadër që garon në divizionin e tretë të futbollit helvet.
Fejzullahi ka qenë një lojtar tepër premtues dhe qershorin e vitit 2015 ia doli të debutonte me kombëtares e Shqipërisë në miqësoren ndaj Francës, sfidë që u fitua 1-0 nga djemtë kuqezi.

Më pas nisi rënia, kjo edhe për shkak të dëmtimeve të rënda që ka pësuar. Gjithsesi, mbrojtësi anësor është gati të rifillojë gjithçka nga zero dhe sezonin e ardhshëm do të jetë pjesë e FC Rapperswil-Jona.