Kandidatët po “ nxehen “ , vetëm njëri mund të bëhet kryetar

Ata që e ndjekin sportin e dinë se para çdo gare, protagonistët e saj i bëjnë disa nxemje. E gjithë kjo për të mos marrë ndezje të muskujve, shkruan Folonline.com.
Bujanoci e ka një garë të tillë më 21 qershor.
Por, para meçit të shumëpritur, “ lojtarët “ i kanë disa kualifikime e që në zhargonin politik quhet fushatë zgjedhore.
Për t’ju qasur kësaj fushate, pretendentët kryesorë për ta drejtuar timonin e komunës kanë nisur t’i bëjnë disa “ nxemje “ të domosdoshme.
Dhe për këtë kanë zgjedhur terrenin e popullarizuar të viteve të fundit që quhet Facebook.
Sonte “ nxemjet” i kreu i nominuari i PVD-së për kryetar komune, Driton Rexhepi.
Ai shpalosi disa pika programore me të cilat synon ti joshë votuesit e tij.
Ditë më parë, këtë gjë e kishte bërë edhe kreu i PD-së, Nagip Arifi. Edhepse shihet si “ veteran “ në një mes me të rinjtë, Arifi aspak spo ngecë me publikimet në profilin e tij.
Ai tha se historia e Bujanocit është shënuar më 2002 por kjo, sipas tij, do të ripërsëritet edhe me 21 qershor.
Arbër Pajaziti i APN-së gjithësesi i ka për qejfi “ nxemjet “.
Ai ka bërë thirrje për mobilizim të përgjithshëm nga anëtarësia.
Madje, ai u ka mbjellë në kokë aktivistëve të subjektit që drejton fjalët: “ Tash është koha të merrni hakun që ju takon “.
Për më tepër mund ti ndiqni publikimet e Rexhepit, Arifit dhe Pajazitit nga profilet e tyre në FB:

https://m.facebook.com/story.php?story_fbid=946757409113634&id=100013381515424