Shqiprim Taipi transferohet te KF Prishtina e Re

Futbollisti nga Tërnoci, Shqiprim Taipi, është transferuar te KF Prishtina e Re, ku do të luajë në sezonin e ri.

Klubi prishtinas ka njoftuar afrimin e mesfushorit defanziv, i cili sjell me vete një përvojë të pasur në futbollin shqiptar dhe ndërkombëtar.

Gjatë karrierës së tij, Taipi ka qenë pjesë e klubeve si Shkupi, Shkëndija dhe Kukësi, ndërsa ka luajtur edhe në Kazakistan për Kaspiy Aktau dhe Zhetysu Taldykorgan. Së fundmi, ai ishte pjesë e SC Gjilanit.

Me përvojën e tij, Taipi pritet të jetë një përforcim i rëndësishëm për KF Prishtina e Re, e cila synon rikthimin në Albi Mall Superligën e Kosovës.

Klubi i ka uruar mirëseardhje futbollistit nga Tërnoci në familjen bardhekaltër, duke shprehur besimin se ai do të kontribuojë në realizimin e objektivave të skuadrës.