Kryetari i Këshillit Kombëtar Shqiptar, Nevzad Lutfiu, ka reaguar ndaj vendimit të Këshillit të Lartë Gjyqësor për emërimin e dy gjykatësve të rej
Kryetari i Këshillit Kombëtar Shqiptar, Nevzad Lutfiu, ka reaguar ndaj vendimit të Këshillit të Lartë Gjyqësor për emërimin e dy gjykatësve të reja të etnisë serbe në Gjykatën Themelore të Bujanocit.
Lutfiu, me këtë rast, ka cituar fragmente nga Ligji për emërimin e gjykatësve duke theksuar se ai po shkilet nga vet ata që duhet ta mbrojnë.
Postimi i Lutfiut:
Vazhdon diskriminimi i shqiptarëve.
Institucionet vazhdojnë ta shkelin Kushtetutën dhe Ligjet.
Në Gjykatën Themelore në Bujanoc do emërohen dy gjykatëse serbe, sipas vendimit të djeshëm, marr nga Këshilli i Lartë Gjyqësor.
“Gjatë propozimit për zgjedhjen e gjyqtarit dhe gjatë zgjedhjes së gjyqtarit është i ndaluar diskriminimi në çdo formë”, precizon Ligji për gjykatës, ku kërkohet të tregohet kujdes i veçantë në përbërjen kombëtare të popullsisë, përfshirjen e duhur të pakicave kombëtare dhe njohjen e terminologjisë profesionale juridike të gjuhës së pakicave kombëtare e cila është në përdorim zyrtar në atë Gjykatë.
Pra, Ligji shkelet pikërisht gjatë përzgjedhjes në pozita të gjykatësve.
Kur janë në pyetje shqiptarët, institucionet nuk i respektojnë as ligjet e veta.
Me që diskriminimi i ka prekur kufijtë e racizmit, do t’i ftoj akterët politik për të diskutuar për situatën në vend.
COMMENTS