Visar Memeti i nominuar nga APN si kandidat për kryetar të Preshevës

ALTERNATIVA për Ndryshim, gjatë mbledhjes së Kryesisë së Përgjithshme dhe Këshillit Qëndrorë, ka votuar unanimisht për bartës së Listës Zgjedhore të ALTERNATIVËS për Ndryshim për zgjedhjet e 2 qershorit, kryetarin VISAR MEMETI për kandidat për kryetar të Komunës së Preshevës, theksohet në njoftimin e këtij subjekti politik, transmeton FOLonline.

“Strukturat e partisë më të madhe në vend, njëzeri dhanë besimin që Visar Memeti t’i prij këtij procesi, i cili është trashëgimi e ideatorëve të NDRYSHIMIT, vazhdimësia e së cilit do të rumbullaksohet më 2 qershor.

Duke e ditur fuqinë që ka besimi i mijëra qytetarëve që përqafuan NDRYSHIMIN prej kohësh, dëshira për të qenë të bashkuar e parimor veç shtohet, ndërsa ne edhe këtij procesi do t’i prijmë si çdoherë faqebardhë! ”, thuhet në njoftimin e APN-së.