Me iniciativë të përbashkët të komunave të Bujanocit dhe Kamenicës së shpejti do të nisë ndërtimi i urës në dalje të fshatit Breznicë. Lajmin e
Me iniciativë të përbashkët të komunave të Bujanocit dhe Kamenicës së shpejti do të nisë ndërtimi i urës në dalje të fshatit Breznicë.
Lajmin e bëri të ditur zv/ kryetari i Bujanocit, Shqiprim Musliu, i cili ndër të tjera bëri këtë postim në Facebook:
Ndërtimi i urave është një formë lidhje mes njerëzve. Ato forcojnë fatet dhe rrisin mirëqenien. Ndërsa ndërtimi i urës në Breznicë do të forcojë edhe më shumë lidhjen e qytetarëve tanë me Republikën e Kosovës.
Iniciativat e përbashkëta mes Komunave të Bujanocit dhe Kamenicës në fillim ishin vetëm nisma, ndërsa sot po bëhen realitet.
Sot po fillon ndërtimi i kësaj ure që është në bashkëfinancim mes Komunës së Kamenicës dhe Komunës së Bujanocit, ku bashkë me homologun tim z.Faton Jakupin e inicuam dhe sot vëzhguam fillimin e ndërtimit, që do të jetë në funksion të një jete më të mirë për banorët e Breznicës me rrethinë.
Ta gëzojnë banorët e Breznicës dhe gjithë qytetarët e komunave tona.
COMMENTS