Shtabi i UÇPMB-së shndërrohet në muze

Këshilli Kombëtar Shqiptar në bashkëpunim me Organizatën e Veteranëve të Luftës kanë vendosur që shtëpinë ku ka qenë i vendosur shtabi i UÇPMB-së gjatë periudhës  2000-2001 ta shndërrojnë  në muze të rëndësisë së veçantë, shkruan FOLonline.

Simbolika e këtij shtëpie -muze ka të bëjë edhe me arritjen e paqes, kur më 20 maj të vitit 2001, me ndërmjetësimin e NATO-s u nënshkrua Dokumenti që i dha fund konfliktit dyvjeçar midis forcave serbe të sigurisë dhe UÇPMB-së, e që në opinion njihet si Marrëveshja e Konçulit.

Lajmin për ngjarjen që do të pasojë e bëri publik vet kryeyari i KKSH-së, Nevzad Lutfiu, i cili i bëri thirrje qytetatëve që të marrin pjesë në event.

Postimi i Lutfiut:

Të nderuar qytetarë shqiptarë, më datë 20 maj bëhen 23 vjet nga marrëveshja e Konçulit.

Më datë 20.05.2024, shtëpia (shtëpia bazë e UÇPMB-së) ku u nënshkrua marrëveshja do të shndërrohet në muze.

Ftojmë qytetarët që të marrin pjesë në hapjen e muzeut, më 20.05.2024 duke filluar nga ora 11:00, në fshatin Konçul.

Nuk dimë kah të shkojmë nëse nuk e dimë nga kemi ardhur!