HomeNë fokus

Rasti i flamurit: Të gjithë reaguan, vetëm Nagip Arifi heshti!

Java e kaluar në Luginë përveç shpërndarjes së teksteve mësimore u përshkua edhe me ngritjen e padisë ndaj kryetarit të KKSH-së, Ragmi Mustafa, lidh

Futbollisti në karantinë ( video )
Rritet numri i kuadrove shqiptarë në shtëpinë e shëndetit, në funksion edhe spirometri
Rekomandimet e Sh.K.S.J.: Për Bajram vetëm në rrethin familjar


Java e kaluar në Luginë përveç shpërndarjes së teksteve mësimore u përshkua edhe me ngritjen e padisë ndaj kryetarit të KKSH-së, Ragmi Mustafa, lidhur me vendosjen e flamurit kombëtar në godinën e këtij institucioni në vitin 2019.
Njoftimi dhe reagimi i vet Mustafës për këtë çështje nxiti edhe reagime tjera të shumta tek politikanët vendorë, rajonal si dhe tek mediat shqiptare.
Deputeti popullor dhe kryetari i PVD-së, Shaip Kamberi, ishte i pari që e gjykoi këtë rast.
„ Pa marrë parasysh akuzave të këtilla, flamuri nuk do të ndryshojë“, kishte thënë ndër të tjera Kamberi.
Padia ishte e papranushme edhe për zv/ kryetarin e Bujanocit dhe kryetarin e LPD-së, Shqiprim Musliu.
„ Flamuri jonë është simboli jonë. Ai duhet të valojë i papenguar „, kishte pohuar Musliu.
Reagimi pasoi edhe nga kryetari i Alternativës për Ndryshim në Bujanoc, Arbër Pajaziti.
„ Çdo denoncim për flamurin tonë na bashkon edhe më shumë. Flamuri është e drejta jonë „, thuhet në reagimin e Pajazitit.
Nuk ka munguar as reagimi nga shefja e diplomacisë kosovare, Meliza Haradinaj- Stublla.
„ Nuk mundet Serbia të nominohet për çmimin nobel për paqe kur shqiptarëve në Luginë i’a mohon të drejtat elementare „ , kishte thënë Stublla.
Ndërkohë, për rastin e falamurit nuk ka reaguar kryetari i komunës së Bujanocit, Nagip Arifi, i cili njëkohësisht është edhe kryetar i PD-së.
Të paktën, deri më tash, Arifi ka zgjedhur heshtjen.
Selia e KKSH-së ndodhet në territorin e komunës së Bujanocit, kryetar i së cilës është Nagip Arifi.
Madje, ai vet është zgjedhur në këtë pozitë nga 25 këshilltarë shqiptarë.
Në ditën e zgjedhjes në këtë post, Arifi kishte thënë se po zgjidhem me votat e 13 mijë shqiptarëve.
Shtrohet pyetja se këtyre 13 mijë shqiptarëve a i „ dhemb „ përdorimi i flamurit kombëtar apo nuk i bënë përshtypje një gjë e tillë?!

COMMENTS