Seanca e parë e rregullt e Shtabit për Situata të Jashtëzakonshme të Komunës së Bujanocit

Sot u mbajt seanca e parë e rregullt e Shtabit për Situata të Jashtëzakonshme të Komunës së Bujanocit, ku u shqyrtua dhe miratua raporti i punës për vitin 2025 dhe u diskutuan planet operative për vitin 2026, të cilat lidhen me mbrojtjen nga përmbytjet, zjarret dhe situatat e tjera emergjente.

Kryetari i komunës, Arbër Pajaziti, theksoi:

„Qëllimi ynë është që komuna të jetë sa më e përgatitur për çdo situatë emergjente dhe siguria e qytetarëve të jetë prioriteti ynë kryesor.“

Gjithashtu, u morën vendime për formimin e ekipeve profesionale që do të angazhohen në raste emergjente, duke garantuar reagim të shpejtë dhe efektiv në shërbim të komunitetit.