Deputeti popullor, Shaip Kamberi, përmes një reagimi ka kërkuar hetim të pavarur dhe profesional në rastin e vdekjes së gruas nga Presheva në spit
Deputeti popullor, Shaip Kamberi, përmes një reagimi ka kërkuar hetim të pavarur dhe profesional në rastin e vdekjes së gruas nga Presheva në spitalin e Vranjës.
Reagimi i Kamberit erdhi pasi Prokuroria e Lartë Publike i la të hapura dyshimet se gruaja shqiptare ka mundur të ndërroi jeta edhe nga mosofrimi i tretmanit të duhur nga personeli shëndetësor.
Për shkak të rastit në fjalë, Kamberi ka potencuar nevojên e ekzistencës të instancave sekundare shëndetësore në Luginë.
Reagimi i Kamberit:
Prokuroria e Lartë në Vranjë ngre dyshimin se gruaja që vdiq pasi lindi fëmijën e sajë mund të ketë vdekur nga pakujdesia e personelit mjeksor.
Ajo ishte vetëm 37 vjeçe, vinte nga komuna e Preshevës dhe kishte shkuar për ta sjellë në jetë fëmijën e sajë të katërt.
Fëmija shpëtoi ndërsa nëna vdiq. Personeli i spitalit nuk kishte njoftuar as policinë e as prokurorinë për rastin e ndodhur dhe kjo ishte arsyeja e parë që rriti dyshimet.
Tanimë kur dyshimet janë konkrete e zyrtare, ftojë institucionet e drejtësisë të kryejnë punën e tyre drejtë, në mënyrë profesionale dhe rasti të zbardhet deri në fund.
Jeta e çdo njeriu është e shenjtë. Pakujdesia e mjekëve nuk guxon të jetë arsyeja e humbjes së jetës së askujt. E shqiptarët, njejt sikur të tjerët, meritojnë trajtimin e barabartë kudo që shkojnë, në të gjitha institucionet.
Mungesa e të punësuarëve shqiptarë në spitalin e Vranjës është dëshmi e trajtimit të pabarabartë.
Rastet e këtilla dëshmojnë nevojën e ndërtimit të institucioneve sekondare shëndetësore në Luginë të Preshevës.
COMMENTS