Ramadani takon zyrtarët kosovarë

Kryetari i Kuvendit Komunal të Bujanocit, Enver Ramadani, ka takuar Albinot Bimbashin, Drejtor i departamentit për çështje rajonale në Ministrinë e Punëve të Jashtme dhe Diasporës të Republikës së Kosovës së bashku me shefin e zyrës ndërlidhëse të Republikës së Kosovës në Beograd, Jetish Jasharin.

“Biseduam për mbështetjen që duhet ta ken qytetarët e Luginës nga institucionet e Kosovës njëherit i njoftova me sfidat dhe problemet me të cilat po vazhdojnë të përballen shqiptarët e Luginës së Preshevës.

Bashkëpunimi duhet të vazhdojë sepse është qenësore për përmirësimin e gjendjes në Luginë”, ka shkruar Ramadani në Facebook pas takimit.