Qeveria e Kosovës mbështet bujqit e Luginës, së shpejti thirrja publike

Qeveria e Kosovës do të mbështes bujqit shqoptarë nga Lugina.

Kështu u bë e ditur pas një takimi midis zv/ kryeministrit të ekzekutivit kosovar, Besnik Bislimi dhe kryetarit të KKSH, Nevzad Lutfiu.

Ky i fundit zbardhi detajet nga takimi.

Postimi i Lutfiut:

Qeveria e Republikës së Kosovës do t’i mbështesë bujqit shqiptarë të Luginës së Preshevës me qëllim ruajtjen dhe avancimin e kulturës bujqësore në vendin tonë, dakordim nga takimi që patëm me zëvendëskryeministrin e Kosovës, z.Besnik Bislimi.

Thirrja do të hapet shumë shpejt!

Sqarime të hollësishëme do të shpalosim ditëve në vijim.

Ndërkohë, kjo nismë është përshëndetur nga kryetarët e komunave të Bujanocit dhe Preshevës, Arbër Pajaziti dhe Ardita Sinani.

Postimi i Pajazitit:

Përshëndesim nismën e Qeverisë së Kosovës për të mbështetur bujqit

Vendimi i Qeverisë së Kosovës për të mbështetur bujqit në Luginë është i qëlluar dhe vie në kohën e duar.

Gadishmëria e ekzekutivit kosovar për t’i dalë në ndihmë kësaj shtrese vitale të bashkëqytetarëve tanë tregon përkushtimin institucional dhe vëllazëror për të sforcuar çdo veprimtari shoqërore në Luginë.

Shpresojmë se kjo formë e mbështetjes do të shkojë aty ku duhet duke u shpërndarë sipas kritereve të qarta dhe transparente.

Jemi të bindur se dorën e investimeve direkte dhe  serioze të shtetit të Kosovës do ta ndjejnë edhe shtresat tjera të popullatës tonë.

Faleminderit Qeverisë së Republikës së Kosovës, faleminderit popullit kosovar!

Postimi i Sinanit:

🌱 Bujqësia dhe blegtoria në komunën tonë, përveç që janë traditë, përbëjnë edhe një shtyllë të rëndësishme për ekonominë dhe mbijetesën e shumë familjeve.🌾🐄 Me këtë mbështetje, hapen gjithashtu mundësi të reja për zhvillimin e agroturizmit, i cili mund të sjellë përfitime të mëdha ekonomike dhe të rrisë atraktivitetin e Luginës së Preshevës si destinacion turistik.

Subvencionimi për bujqit dhe blegtorët nga Lugina e Preshevës është një hap domethënës në përkrahjen e vazhdueshme që Qeveria e Kosovës po jep për ruajtjen dhe zhvillimin e potencialit tonë kombëtar. Kjo mbështetje nuk është vetëm ndihmë financiare, por edhe një nxitje për rritjen e kapaciteteve tona, duke përfshirë këtu edhe agroturizmin, i cili lidhet ngushtë me zhvillimin e bujqësisë dhe blegtorisë.

1. Kryeministër Albin Kurti, ju falënderojmë që çdo ide dhe angazhim po e ktheni në veprime konkrete! 🙌 Faleminderit për gjithçka që po bëni për ne në Luginën e Preshevës! 💚

Një falënderim i veçantë shkon edhe për zv. Kryeministrin Besnik Bislimi për angazhimin dhe mbështetjen e vazhdueshme që po tregon në këtë drejtim. 🙏

Faleminderit Qeverisë së Republikës së Kosovës për këtë përkrahje të madhe, e cila jo vetëm që ndihmon bujqësinë dhe blegtorinë, por krijon edhe mundësi të reja për zhvillimin e agroturizmit, duke rritur ekonominë lokale dhe promovuar potencialin e Luginës së Preshevës si një destinacion unik.