Përurohet rruga Muhoc- Zarbincë

Me prerjen e shiritit, sot është bërë inaugurimi i rrugës Muhoc-Zarbincë në Malësi të Bujanocit.
Banorë të kësaj treve por edhe të vendbanimeve tjera brenda komunës ndoqën solemnitetin e rastit, ndërsa nuk munguan as vallet në shenjë gëzimi.
Kryetari i Bujanocit, Nagip Arifi, përveç se me aktin solemn të inaugurimit u nderua edhe me një pllakë falenderuese.
Atij i’u thurrën edhe lavde nga disa prej banorëve.
Procedurat për ndërtimin e kësaj rruge kishin filluar në vitin 2016.
Përveç kryetarëve të komunës, Nagip Arifi dhe Shaip Kamberi në aspektin e ndërtimit të saj ishin përfshirë edhe 4 drejtorë të drejtoratit për ndërtim, respektivisht më vonë të drejtoratit për investime, edhe atë: Agim Haliti, Naim Rexhepi, Enver Ramadani dhe Rahim Salihi.
Madje, disa nga banorët e Malësisë sot i thanë FOLonline se njëri ndër më meritorët për ndërtimin e kësaj rruge është pikërisht Rahim Salihi.
“ Nën udhëheqjen e tij kjo rrugë u bë e gatshme, mbeti vetëm asfaltimi “ , theksoi njëri ndër banorët.
Kujtojmë se kjo rrugë ishte dashur të asfaltohej në pranverë të këtij viti por për shkak të kushteve atmosferike nuk ishte realizuar një gjë e tillë.
Në solemnitetin e sotëm përveç bashkëpunëtorëve të Arifit prezent ishte edhe zv/ kryetari Shqiprim Musliu por jo edhe partnerët e koalicionit nga PVD dhe APN.
Nga këto subjekte politike thonë se nuk kanë pasur asnjë lloj ftese nga ana e organizatorëve të solemnitetit të sotëm.

Komuna e Bujanocit përmes faqes zyrtare në FB kështu ka raportuar për inaugurimin e kësaj rruge: