Pajaziti në takim me përfaqësuesin e UNHCR-së

Kryetari i Komunës së Bujanocit, Arbër Pajaziti, ka zhvilluar sot një takim me përfaqësuesin e UNHCR-së në Serbi, Soufiane Adjali, ku u diskutua për projektet konkrete dhe mundësitë e bashkëpunimit në të mirë të qytetarëve.

Sipas Pajazitit, fokusi i bisedimeve ishte te projektet që ndikojnë drejtpërdrejt në përmirësimin e jetës së qytetarëve të komunës së Bujanocit dhe rajonit të Luginës së Preshevës.

Ai theksoi se mbështetja dhe partneriteti me organizatat ndërkombëtare mbeten shumë të rëndësishme për zhvillimin e Bujanocit dhe avancimin e projekteve me interes për qytetarët.