Pajaziti: Kauza shqiptare po shndërrohet në agjendë personale

Kryetari i Alternativës për Ndryshim në Bujanoc, Arbër Pajaziti, ka akuzuar përfaqësuesit e pushtetit lokal në këtë komunës se në mungesë të realizimit të premtive kauzën shqiptare po e shndërrojnë në agjendë personale.

Postimi i Pajazitit në Facebook:

Mosrealizimi i premtimeve, mungesa e ideve dhe dështimet në çdo sferë, bëjnë që kauza shqiptare të shndërrohet në axhendë personale, njëri kundë Vuçiqit, tjetri kundër Vullinit i treti kundër Mitroviqit.

Sa herë që përmenden zgjedhjet fillon njëfarë patriotizmi bajat e pa sens. Këtë herë filloi edhe nje variant i ri i patriotizmit, (urojmë mos të jetë i ndikuar nga varianti Delta i Covid 19) kush më shumë proserb.

Akuzat e atyre që për më shumë se dy dekada e ndanë pushtetin, nuk mund të kalojnë këtë herë. Një mik i imi thotë: “Me kend e han mishin me at’ e dan’ edhe belajën”. Të vetmit përgjegjës për gjendjen e mjerushme në këtë vend, janë politikat e 20 viteve të fundit. Hajrin ia keni pa bashkë, përgjegjësinë mbajeni bashkë.