Normalizohet furnizimi me ujë të pijshëm në Bilaç dhe Konçul

N. P. Komunalia ka njoftuar se tashmë është normalizuar furnizimi me ujë të pijshëm në fshatrat Bilaç dhe Konçul të Bujanocit.

“Pas reshjeve të fundit të fuqishme, të cilat shkaktuan probleme serioze në pompat e ujit në fshatrat Bilaç dhe Konçul, ekipi ynë ka punuar pa ndërprerë për zgjidhjen e situatës. Falë përkushtimit dhe angazhimit të tyre, gjendja tani është plotësisht e stabilizuar dhe furnizimi me ujë është normalizuar.
Faleminderit banorëve për mirëkuptimin dhe durimin!”, thuhet në njoftimin e ndërmarrjes.