NËNSHKRUHEN 33 KONTRATA ME ASISTENTËT PERSONAL PËR FËMIJËT ME NEVOJA TË VEÇANTA

Komuna e Bujanocit ka njoftuar se kryetari, Nagip Arifi, ka nënshkruar 33 kontrata me asistent personal që do të kujdesen për nxënësit me nevojat e veçanta.

Njoftimi i plotë:

NËNSHKRUHEN 33 KONTRATA ME ASISTENTËT PERSONAL PËR FËMIJËT ME NEVOJA TË VEÇANTA

Kryetari i komunës së Bujanocit Nagip Arifi ka shpërndarë sot kontratat për 33 asistentë personal, të cilët do t’i shërbejnë fëmijëve me nevoja të veçanta që ndjekin procesin edukativo arsimor.

Komuna e Bujanocit që nga fillimi i vitit shkollor 2020/2021 ka angazhuar asistentët personal për nxënësit me nevoja të veçanta, me qëllim që të asistojnë në procesin e edukativo arsimor, dhe ka ndarë buxhet të konsiderueshëm që do t’i mbulojnë pagat e tyre.

Asistentët personal do t’i ndihmojnë fëmijëve me pengesa në zhvillim ose me invaliditet në aktivitetet arsimore dhe jashtëarsimore, duke i ofruar ndihmë të drejtëpërdrejtë teknike në lëvizje, lexim, vizatim, sqarime, përgatitje e çantës dhe të ngjajshme.