Musliu takohet me kryeparlamentarin Konjufca

Zv/ kryetari i komunës së Bujanocit, Shqiprim Musliu”, është takuar sot në Prishtinë me kryeparlamentarin e Kosovës, Glauk Konjufca.

“Sot zhvillova një takim pune me Kryetarin e Kuvendit të Kosovës, z.Glauk Konjufca, ku diskutuam shumë çështje dhe problematika me të cilat po përballemi si shqiptar në Kosovën Lindore.

Z.Konjufca shprehu gatishmërinë për zgjidhjen e çështjes së shqiptarëve në Luginë duke ofruar bashkëpunimin e tij në forma institucionale. Ky është edhe obligimi jonë i përbashkët institucional duke patur për bazë veprimtarinë e përbashkët të prindërve tanë që nga koha e ilegalitetit, për të ardhmen tonë të përbashkët, ka shkruar pas takimit Musliu në Facebook.