Mirënjohje për Galip Beqirin nga BL e Tërnocit

Bashkësia Lokale e Tërnocit ka nderuar me mirënjohje ish kryetarin e saj, Galip Beqirin.

Në njoftimin e BL-së thuhet:

Kryetari i Bashkësisë Lokale, Mustaf Alishani, në koktejin e fundvitit nderoi me Mirënjohje për angazhimin e tij, ish kryetarin e Bashkësisë Lokale të Tërnocit, z. Galip Beqiri.

Beqiri ka udhëhequr me Bashkësinë lokale përgjatë viteve të 90’ta, kohë kjo shumë e vështirë për shqiptarët në përgjithësi përfshirë edhe Tërnocin dhe banorët e sajë.

Përveç Bashkësisë lokale, z. Beqiri ka dhënë kontribut edhe me pjesmarrjen e tij në Këshillin e pajtimit, ishte pjesë e proceseve humanitare dhe pjesë e procesit gjatë luftës së UÇPMB-së.