Miratohet buxheti i KKSH-së

Këshilli Kombëtar Shqiptar ka miratuar buxhetin për vitin 2026 në seancën e parë të rregullt për këtë vit.

Sipas kryetarit Enkel Rexhepi, ky buxhet përbën një hap të rëndësishëm për funksionimin dhe avancimin e aktiviteteve të Këshillit në shërbim të qytetarëve shqiptarë në Luginën e Preshevës. Ai theksoi se, pavarësisht sfidave dhe vështirësive financiare, mbetet prioritet që mjetet buxhetore të shfrytëzohen me përgjegjësi, transparencë dhe në interes të përgjithshëm.

Puna e Këshillit pritet të vazhdojë edhe në periudhën në vijim, me fokus në realizimin e objektivave të përcaktuara.