HomeAktuale

Mesazhe kërcënuese për Kamberin

Deputeti popullor, Shaip Kamberi, ka njoftuar sot të ketë pranuar kërcënime përmes internetit. Këtë rast Kamberi e parë edhe në kontektst të kl

Universitetet e Shqipërisë ofrojnë 30 bursa për studentët e Luginës
Pajaziti: Lugina do të ketë gjithnjë përkrahjen e Kosovës
Zgjedhjet në Tërrnoc më 23 qershor (e enjte)

Deputeti popullor, Shaip Kamberi, ka njoftuar sot të ketë pranuar kërcënime përmes internetit.

Këtë rast Kamberi e parë edhe në kontektst të klimës së përgjithshme në Serbi kur janë në pyetje shqiptarët, përfshirë edhe qarqet qeveritare.

Postimi i Kmaberit:

Për muajë me radhë, Serbia po mundohet për të ndërtuar një realitet virtual të gjoja rrezikimit të jetës së Serbëve në Kosovë.

Ndërkohë, sa është e rrezikuar liria dhe jeta e shqiptarëve në Serbi flasin rastet e shumta të diskriminimit.

Dënimi i para disa ditëve i kryetarit të Këshillit Kombëtar, Ragmi Mustafi, për përdorimin e flamurit kombëtar shqiptar me 28 nëntor të vitit të kaluar, paraqet vetëm një nga rastet e këtilla .

Ndërkohë, sot, përmes rrjetit social Facebook, nga një person i panjohur kam pranuar kërcënime të drejtpërdrejat për jetën time.

„Mjaft me rrëmbime, ndërsa sa të përket ty personalisht, ruaje gjithmonë shpinën kur të shkosh dikund. Nuk do të kuptosh asnjëherë kur do të vij për kokën tënde“ është teksti i mesazhit që kam marrë, përmes mesenger, nga përsoni Danijell Millkoviq.

Kjo është atmosfera në të cilën punojnë, veprojnë dhe jetojnë shqiptarët, në Serbinë autoritare të Aleksandar Vuçiqit.

Kjo klimë antishqiptare, për vite me radhë po stimulohet nga mediat proqeveriatare dhe deklaratat e shpeshta fyese të qeveritarëve serb.

Kjo atmosferë diskriminuese e kërcënuese është arsyeja kryesore e kërkesës tonë për zgjidhje simetrike të të drejtave të komuniteteve.

Puna jonë vazhdon, ajo nuk do të ndalet, as për shkak të kërcënimeve apstrakte e as atyre konkrete që mund të vijnë.

Të vërtetën do ta themi, pavarësisht se të tjerëve nuk i pëlqen.

COMMENTS