Mbështetje financiare për studentët nga Lugina që studiojnë në Kosovë

Kryetari i Këshillit Kombëtar Shqiptar, Enkel Rexhepi, ka bërë të ditur se Qeveria e Republikës së Kosovës ka hapur një mundësi konkrete për të gjithë studentët nga Lugina e Preshevës që studiojnë në universitetet e Kosovës.

Përmes platformës zyrtare eKosova, studentët aktivë të niveleve Bachelor, Master dhe Doktoratë mund të aplikojnë për dy forma mbështetjeje:

• ✅ Shtesë njëherëshe prej 100 euro për çdo student aktiv;
• ✅ Bursë mobiliteti për studentët nga familjet me të ardhura vjetore nën 12,000 euro.

📅 Afati i aplikimit është i hapur deri në fund të muajit tetor.

Kryetari Rexhepi u ka bërë thirrje të gjithë studentëve nga Lugina që ndjekin studimet në Kosovë të përfitojnë nga kjo mundësi, duke falënderuar drejtuesit e institucioneve kosovare për mbështetjen:

• Kryeministrin Albin Kurti
• Zëvendëskryeministrin Besnik Bislimi
• Ministrin e Financave Hekuran Murati

Sipas tij, kjo nismë përbën një hap të rëndësishëm në mbështetjen e të rinjve nga Lugina dhe lehtësimin e barrës financiare të studimeve.