Kurti: Serbia po kryen spastrim etnik ndaj shqiptarëve në Luginë

Në seancën e Këshillit të Sigurimit të OKB-së, kryeministri i Rwpublikës sê Kosovës, Albin Kurti, ka folur edhe për pozitën e shqiptarëve në Luginê.

“Fushata e spastrimit etnik bëhet në mënyrë administrative… Qeveria serbe sistematikisht i ka hequr mbi 4 mijë e 200 shqiptarë etnikë nga regjistri civil në Medvegjë dhe mbi 2 mijë në Bujanoc.

Kjo shlyerje e njerëzve ka pasoja të prekshme, viktimat nuk kanë qasje më në letërnjoftime, pasaporta, shërbime mjekësore, ndihmë sociale, transaksione pronësore, pensione dhe të drejta votimi, pra i bën ata të jenë pa shtet. Kjo fushatë është metodë e shpopullimit të shqiptarëve atje”, ka thënë ndër të tjera Kurti, në takimin e KS të OKB në Nju Jork.