Komunalia dënon hudhjen e mbeturinave në këtë mënyrë (foto)

Ndërmarrja Publike “Komunalia” ka reaguar ndaj hedhjes së mbeturinave dhe dëmtimit të pastërtisë në qytetin e Bujanocit, duke apeluar për më shumë ndërgjegjësim nga qytetarët. Në reagimin e publikuar, thuhet se përpjekjet për një qytet më të pastër po pengohen nga veprime të papërgjegjshme të individëve të caktuar, të cilët po dëmtojnë imazhin e qytetit.

Nga kjo ndërmarrje theksojnë se punëtorët po angazhohen çdo ditë, edhe në temperatura të larta, për të mbajtur pastërtinë në nivel, ndërsa kanë kërkuar edhe reagimin e Inspekcionit Komunal dhe Policisë ndaj rasteve të tilla.

“Bujanoci meriton pastërti dhe diaspora nuk e meriton të pritet me pamje të tilla”, thuhet mes tjerash në reagimin e “Komunalia”, e cila ka bërë thirrje për bashkëpunim qytetar në ruajtjen e ambientit dhe pastërtisë publike.