Koalicioni gjithpërfshirës ndërshqiptarë në Bujanoc, afër apo larg ?

Foto: lajmial.com

Partia Demokratike-PD, në cilësinë e fituesit të zgjedhjeve lokale në Bujanoc, sot ishte nikoqire e raundit të dytë të takimeve me bllokun e subjekteve politike shqiptare, shkruan FOLonline.
Kësaj here, me kërkesë të PD-së, bisedat ishin zhvilluar me kandidatët e nominuar për kryetar komune nga ana e listave zgjedhore.
Do theksuar se ftesat për takim fituesi i zgjedhjeve i kishte dërguar pak kohë para orës 18:00, kur edhe duhej të nisnin bisedat.
Në një paraqitje për opinion, menjëherë pas takimit, kryetari i PD-së, Nagip Arifi, bisedimet i vlerësoi si një nismë e mbarë rreth krijimit të koalicionit gjithshqiptarë.
Arifi më shumë u fokusua në përqindjet rreth ndarjes së pushtetit se sa në programin qeverisës duke theksuar njëkohësissht se nuk ka asnjë kontestim nga subjektet tjera se ai duhet të udhëheq me komunën në katër vitet e ardhshme.
Lideri i demokratëve të Bujanocit sot pranoi se ka zhvilluar takime me përfaqësuesit e SNS-it por ka akuzuar edhe partitë tjera për bisedime të fshehta, të cilat i ka quajtur si pazare të metrapazëve.
Derisa Arifi shprehet se koalicioni është në rrugë të duhur, Partia për Veprim Demokratik-PVD, vlerëson se çështja nuk është shumë e qartë.
Me anë të një kumtese për opinion, PVD thekson se nuk është e sinqertë të ketë bisedime, ndërsa në anën tjetër të flitet „ për takimet e fshehta „.
Ky subjekt konsideron se fillimisht duhet të bisedohet për parimet programore se sa për ndarjen e pozitave.

Për më tepër ju ftojmë të ndiqni paraqitjen e Arifit ( video Tv Aldi ) dhe kumtesën e PVD-së: