830 studentë dhe 640 familje me tre apo më tepër fêmijë në procesin edukativo arsimor si dhe pa një prindër, është bilansi i aplikimeve në Thirrje
830 studentë dhe 640 familje me tre apo më tepër fêmijë në procesin edukativo arsimor si dhe pa një prindër, është bilansi i aplikimeve në Thirrjen e KKSH-së për ndihmën e njëhershme.financiare me mjetet e Kosovës, shkruan FOLonline.
Të dhênat i paraqiti vet kreu i KKSH-së, Nevzad Lufiu, duke theksuar se priten edhe aplikimet me postë.
Lutfiu ka theksuar se procesi do të jetë plotësisht transparent dhe se çdo aplikim do të vlerësohet me meritë.
Postimi i Lutfiut:
Mrekulli, 1470 aplikues (numri mund të rritet varësisht nga dërgesat me postë nga Medvegja dhe Pazari i Ri).
Sot takova komisionin vlerësues i cili nga nesër fillon shqyrtimin dhe vlerësimin e aplikacioneve.
Nga komisioni kërkova që ky proces të udhëhiqet në mënyrën më të pastër të mundshme duke u respektuar të gjitha kriteret e paraqitura në thirrje.
Nga personat përgjegjës për pranimin e dokumentacioneve kam mësuar se ka pasur palë të cilat janë deklaruar “Nevzadi më ka thënë me i dorëzu”, “pranoni ju se me Nevzadin ja bëjmë dyqysh”.
Me përgjegjësin më të lartë morale deklarohem se në asnjë moment të caktuar nuk i kam orientuar palët me idenë se “unë jam këtu”, të gjitha thirrjet e mia janë publike.
Për mua është krenari që do të përfitojnë një numër i madh i familjeve shqiptare, por më e rëndësishme është t’i jipet gjithsecilit ajo që i takon.
Komisioni ka afat prej 15 ditëve nga dita e mbylljes së afatit për shqyrtimin dhe vlerësimin e aplikacioneve.
COMMENTS