Pak orë pas zjarrit i cili kaploi një shtëpi në lagjen e strukarve në Tërrnoc, kanë filluar të zbardhen disa detaje të reja. FOLonline nga buri
Pak orë pas zjarrit i cili kaploi një shtëpi në lagjen e strukarve në Tërrnoc, kanë filluar të zbardhen disa detaje të reja.
FOLonline nga burimet e veta policore ka arritur të marrë vesh se dyshohet që zjarri në fillim kishte shpërthyer në ballkonin e shtëpisë për tu shpëndarë më pas edhe në hapsirat tjera.
Ky informacion u sigurua pas ekspertizës së kryer në vendin e ngjarjes nga inspektori i kriminalistikës, tekniku i forenzikës dhe inspektori kundër zjarreve.
Megjithatë, detajet tjera do të sqarohen pas deklaratave të familjarëve të cilët për momentin janë nëpër spitale.
Ndërkohë, si pasojë e këtij zjarri, sipas familjarëve, djegie të shkallës së rëndë ka pësuar një grua 53 vjeçe e cila ndodhet për kurim në spitalin e Nishit, gjendja shëndetësore e së cilës paraqitet të jetë serioze . Në të njejtin spital ndodhet edhe bashkëshorti i saj i cili nuk ka lëndime aq serioze, kurse djali i tyre ndodhet në spitalin e Vranjës. Edhe ky i fundit nuk ka pësuar lëndime serioze.
Siapas të afërmëve, në momentin e shpërthimit të zjarrit, brenda shtëpisë ndodheshin katër anëtarë të familjes: kryefamiljari me bashkëshorten e tij, djali i tyre dhe nipi.
Zjarri shpërtheu diku rreth orës 15:00 ndërsa në vendngjarje shumë shpejt kishin arritur ekipet e zjarrëfikësve, ndihmës së shpejt dhe të policisë.
COMMENTS