Diplomatët britanezë në Luginë

Diplomatë britanik pranë ambasadës së këtij shteti në Beograd kanë qëndruar në Luginë.

William Hopkinson dhe Vladan Abraboviq vizitën e kanë nisur në Preshevë në takim me zv/ kryetarin e komunës Almin Shaqiri për të vazhduar në Bujanoc me takime me kryetarin e komunës Nagip Arifi dhe kryetarin e KKSH Ragmi Mustafi.

Postim nga komuna e Preshevës

Në kabinetin e kryetarit u mirëprit, Shefi për Politika të Jashtme – z.William Hopkinson dhe Zyrtari Politik – z.Vladan Abramoviq; nga zëvendës kryetari i komunës, Almin Shaqiri dhe shefi i kabinetit të kryetarit, Visar Memeti.

Për të dëgjuar më shumë rreth zhvillimeve të fundit dhe për të shprehur gatishmërinë për mbështetje e bashkëpunim, për proceset në të cilat po kalon Lugina e Preshevës!

Postimi i Arifit

Sot, me sekretarin e parë politik të Ambasadës së Britanisë së Madhe në Serbi z.William Hopkinson biseduam për zhvillimet rajonale, me theks të veçantë për bisedimet Prishtinë – Beograd, ku ripërsërita qëndrimin tonë se çështja e shqiptarëve të Luginës së Preshevës duhen të jenë temë e këtyre bisedimeve.

Biseduam edhe për procesin e regjistrimit të popullësisë, nevojën për njohjen sa më të shpejt të diplomave nga Republika e Kosovës, si dhe tema me rëndësi për qytetarët tanë.

Postimi i Mustafit:

Kënaqësi të ndanim pikëpamjet me mikun William Hopkinson nga Ambasada Britaneze në Beograd, në sheshin e qytetit të Bujanocit!

#Bashkë kemi arritur që Këshilli Kombëtar Shqiptar të jetë referencë nga shumica e ambasadave të shteteve mike në Beograd, që sfidat e shqiptarëve të jenë pjesë e të gjitha raporteve ndërkombëtare, e që çështja politike e Luginës të tejkaloj kufijtë rajonal!

Kërkesa jonë është e qartë,çfardo e drejte që akordohet për serbët në veri të Kosovës, duhet me patjetër të njëjtat të sigurohen edhe për shqiptarët në Luginë të Preshevës!

E këtë do e #VazhdojmëBashkë