Zëvendëskryeministri i Qeverisë së Kosovës, Besnik Bislimi, ka pritur sot në takim deputetin popullor, Shaip Kamberi. Për temat e bisedës në ta
Zëvendëskryeministri i Qeverisë së Kosovës, Besnik Bislimi, ka pritur sot në takim deputetin popullor, Shaip Kamberi.
Për temat e bisedës në takim, përmes Facebookut është shprehur vet Bislimi.
Postimi i tij:
Me deputetin e vetëm shqiptar në parlamentin serb, Shaip Kamberi, diskutuam mbi zhvillimet aktuale me theks të veçantë në pozitën e shqiptarëve në Preshevë, Bujanoc dhe Medvegjë.
Bashkëpunimi i vazhdueshëm është i rëndësishëm për adresimin e shtypjes e diskriminimit sistematik me të cilin ballafaqohen bashkatdhetarët tanë.
Përkushtimi dhe angazhimi i qeverisë vijon të jetë produktiv edhe gjatë këtij viti ku kemi ndarë 3 milionë euro për Luginën, mbështetje financiare kjo më e madhe për 50%, një milion më shumë sesa viti 2023, me qëllim mbështetjen e pakusht në ruajtjen dhe promovimin e identitetit kombëtar, traditave, kulturës e gjuhës.
COMMENTS