Asociacioni Qytetar “Bujanoci”  dhuron kompjutorë për Shoqatën “Dituria”

Asociacioni Qytetar “Bujanoci” i cili grumbullon rreth vetes mërgimtarët nga ky qytet në Zvicër, ka paisur me kompjutorë, përkatësisht lap-top, Shoqatën “Dituria”.

Me këtë rast, drejtuesit e këtij Asociacioni kanë falenderuar të gjithë donatorët për kontributin.

Nga ana tjetër, edhe në Shoqatën “Dituria” kanë shprehur falenderime për këtë donacion duke shtuar se falë këtyre pajisjeve së shpejti do të fillojnë edhe me kursin e IT-së.