HomeNë fokus

Arifi pjesë e Parlamentit Global të Kryetarëve të Komunave

Kryetari i komunës së Preshevës, Shqiprim Arifi, është bërë pjesë e Parlamentit Global të Kryetarëve të Komunave. Lajmin e bëri të ditur vet Ar

KRYETARI ARIFI PRET MINISTRIN GJERLEK, PËRUROHEN 10 RRUGË LOKALE
Nga 20.000 dinarë për nxënësit më të dalluar të gjeneratës
Fejtoni: Një tregim serbo-shqiptar: Serbët nga Kosova bllokuan rrugën magjistrale (pjesa 28)

Kryetari i komunës së Preshevës, Shqiprim Arifi, është bërë pjesë e Parlamentit Global të Kryetarëve të Komunave.

Lajmin e bëri të ditur vet Arifi përmes një njoftimi në Facebook.

Kryetari i Preshëvës u shpreh se ky Parlament ka një rol të rëndësishëm dhe se do të shërbejë që zëri i shqiptarëve të Luginës të dëgjohet edhe përmes kësaj instance.

Postimi i Arifit:

Zyrtarisht pjesë e Parlamentit Global të Kryetarëve të Komunave ✅

Nisur nga rëndësia dhe vizioni që ka ky Parlament, për të adresuar dhe ngritur zërin e sfidave të vendit edhe në nivel global, me mirënjohje të thellë ndaj çdo mbështetësi – pjesëtar të Global Parliament of Mayors, sidomos ndaj Kryetarit të Parlamentit, z.Peter Kurz, zyrtarisht jemi pjesë e Parlamentit Global të Kryetarëve të Komunave.

Në mesin e kryetarëve të: Braga-s së Portugalisë, Pilar – Argjentinë, Monrovia – Liberi, Bristol – Mbretëri e Bashkuar, Mannheim – Gjermani, Hagë – Holandë, e shumë të tjerë;

Do të vazhdoj të promovoj sfidat në vendimmarrje dhe qeverisje lokale edhe përtej kufijve, duke e forcuar gjithmonë bashkëpunimin me përgjegjësi të plotë, me të gjithë ata që për synim e kanë krijimin e kushteve për jetë të sigurtë e në paqe.

Sepse Lugina e Preshevës e meriton, t’i dëgjohet zëri, kudo nëpër botë!

COMMENTS