Arifi: “Mbrojtja ” e lapidarit u bë me mirënjohje për Vuçiqin

Kryetari i Alternativës për Ndryshim, Shqiprim Arifi, ka komentuar nëntvjetorin e heqjes së lapidarit në Preshevë.

“Lapidari i dëshmorëve të Luginës, sot 9 vite u largua nga regjimi Serb, në mënyrën më të padrejtë që mund t’i bëhet një minoriteti, duke dëmtuar emrin e luftës dhe duke dëmtuar përfaqësinë kombëtare e politike të Preshevës”, është shprehur Arifi.

“Lapidari ishte simboli i vetëm i gjallë, i cili prezantoi me emër – mbiemër të vrarët e Preshevës dhe që supozohej të jetonte për shumë gjatë ndër gjenerata. I’u prezantua botës si suvenir që gdhendi luftën e lavdishme kundër një regjimi që padrejtësisht luftoi me tokat tona.

Çuditësisht heqja e lapidarit ndodhi mu në kohën e udhëheqjes së Ragmi Mustafës, i cili përpjekjen e vetme për ta ndaluar heqjen apo për t’a kthyer lapidarin ishte përgatitja e një mirënjohjeje të parit të Serbisë – Vučićit. Dhe ende nuk e kemi të qartë se për çfarë e kishte falenderuar! Sa që edhe kishte deklaruar se do të dorëhiqej në rast se nuk e “shpëton” lapidarin”, ka shkruar Arifi në Facebook.A