Aksident në komunikacion, vetura godet çiklistin  

Para pak çasteve ka ndodhur një aksident në komunikacion me ç’rast një veturë ka goditur ngasësin e biçikletës.

Ngjarja ka ndodhur tek laura (rampa) e hekurudhës në fshatin Levosojë të Bujanocit.

Dëshmitarët i thanë FOLonline se me këtë rast është lënduar një person midis moshës 40-45 vjeç por se nuk është në rrezik jete.

Siç shihet në fotografi të realizuar nga lexuesit tanë, në vendgjarje kanë dalë edhe ekipet policore të cilat po kryejnë ekspertizën e rastit.