Afati i përdorimit të numrave me parapagesë të paregjistruar zgjatet deri më 10 prill

Ministria e Informacionit dhe Telekomunikacionit e Serbisë ka bërë të ditur se ka mundësuar përdorimin e vazhdueshëm të shërbimeve të telekomunikacionit mobil për numrat me parapagesë të paregjistruar me pagesë deri më 10 prill, në mënyrë që t’u jepet përdoruesve ekzistues kohë shtesë për regjistrimin e numrave para ndërprerjes së trafikut, transmeton FOLonline.

Më së voni deri më 25 maj, përdoruesve të paregjistruar do t’u sigurohet sasia e trafikut të nevojshëm vetëm për regjistrimin e numrave dhe thirrjet në shërbimet e urgjencës, thuhet në deklaratë.

Të gjithë përdoruesit e rinj me parapagesë, duke filluar nga data 10 shkurt, do të regjistrohen fizikisht, në degët e ofruesit të shërbimit, me dokument identifikimi ose online, duke përdorur një skemë identifikimi elektronik të nivelit bazë të besimit.

Ministria rikujtoi gjithashtu se regjistrimi i detyrueshëm është futur me Ligjin për Komunikimet Elektronike, i miratuar në vitin 2023, duke ndjekur shembullin e shumicës së vendeve në Bashkimin Evropian dhe në botë, thuhet në deklaratë.