Takim në Ambasadën e Shqipërisë

Kryetari i komunës së Preshevës dhe i APN-së, Shqiprim Arifi, dhe kandidati për kryetar në Këshillin Kombëtar Shqiptar nga ky subjekt, Levent Qazimi, janë pritur nga ambasadori i Shqipërisë në Beograd, Ilir Boçka.

Për takimin përmes Facebookut është shprehur kryetari Shqiprim Arifi:

🇦🇱 Në Ambasadën e Shqipërisë në Beograd

I shoqëruar nga kandidati për kryetar në Këshillin Kombëtar Shqiptar z.Levent Qazimi dhe shefi i kabinetit tim z.Visar Memeti, në takim me Ambasadorin z.Ilir Boçka, për të marrë mbështetjen e duhur për proceset që do t’i prijmë muajve në vazhdim.

Z.Boçka përshëndeti fushatën gjithëpërfshirëse që e kemi nisur nga 1 Tetori për procesin e Regjistrimit të Popullësisë, duke na mbështetur dhe inkurajuar për pjesmarrje masive dhe rëndësinë që ka ky proces për shqiptarët në Luginë të Preshevës, si mundësi e vetme për të luftuar masat diskriminuese kundrejt nesh.