Shpërndahen pakot për nxënësit me nevoja të veçanta, paralajmërojen dhuratat jubilare për mësimëdhënësit

Komuna e Bujanocit përmes faqes zyrtare në Facebook ka njoftuar për shpërndarjen e paketave nga ana e kryetarit Nagip Arfrifi për nxënësit me nevoja të veçanta si dhe ka paralajmëruar ndarjen e çmimeve jubilare për të punësuarit në arsim.

Në vazhdim ju sjellim dy njoftimet e komunës së Bujanocit:

Kryetari i komunës së Bujanocit Nagip Arifi sot gjatë ditës ka shpërndarë paketa për të gjithë nxënësit me nevoja të veçanta që ndjekin mësimin fillor dhe të mesëm në komunën e Bujanocit. Këto dhurata po jepen në prag të përfundimit të gjysmëvjetorit të parë.
Kategoria e personave me nevoja të veçanta kërkon angazhim dhe përkujdesje më të madhe, dhe për këtë shkak komuna e Bujanocit ka angazhuar rreth 30 asistentë personal që merren kryesisht me zhvillimin dhe aftësimin e personave në fjalë.

Komuna e Bujanocit do të vazhdojë ta përkrahë këtë kategori personash edhe në të ardhmen në mënyra konkrete për t’i integruar në shoqërinë tonë.

______________________________________

Njoftohen të gjithë mësimdhënësit e shkollave fillore dhe të Çerdhes së Fëmijëve të komunës së Bujanocit se për nderë të përvojës së punës për 10, 20, 30 dhe 35 vjetorin e tyre, kryetari i komunës së Bujanocit Nagip Arifi ka urdhëruar shpërblimet jubilare që kapin shumën prej 4.113.747 din. ( 34.860 €).

Pas rishikimit të buxhetit që pritet të mbahet nesër, shpërblimet jubilare do t’u jipen edhe mësimdhënëse të dy shkollave të mesme.
Urime!