Vuçiq: Gjendja e Jashtëzakonshme hiqet më 6 maj

Foto: Tv Pink

Presidenti serb Aleksandar Vuçiq ka njoftuar se Gjendja e jaashtëzakonshme ka të ngjarë të hiqet për Shën Gjergj, më 6 maj.

Ai tha se propozimi i nënshkruar nga presidenti dhe kryeministrja do të shkojë në Kuvend të Mërkurën, kur edhe pritet të hiqet gjendja e jashtëzakonshme, e cila do të hyjë në fuqi të enjten. “Kjo do të nënkuptonte që nuk do të kishim më orë policore që nga e enjtja,” tha presidenti në Tv Pink.
“Sigurisht që është e vështirë për njerëzit që të kalojnë kohën në shtëpi, por ishte mënyra e vetme për të ruajtur prindërit tanë, për të ruajtur edhe më të rinjtë, dhe unë mendoj se në pjesën më të madhe kemi arritur ta bëjmë atë,” tha presidenti Vuçiq.