Pajaziti publikon foto nga punimet në parkun e qytetit

Kryetari i Komunës së Bujanocit, Arbër Pajaziti, në fillim të javës ka publikuar fotografi nga punimet që po zhvillohen në parkun e qytetit.

Pajaziti njofton se po vazhdohet me realizimin e këndit të ri të lodrave për fëmijë, një hapësirë që synon të jetë moderne, e sigurt dhe e përshtatshme për moshat më të vogla.

“Së shpejti të vegjlit do të kenë një ambient të këndshëm e të sigurt për lojë dhe argëtim,” ka shkruar ai krahas pamjeve nga terreni.

Punimet pritet të përfundojnë në ditët në vijim.