Basketbollistë e basketbolliste nga klubet Elita dhe OKK Play, entuziastë të këtij sporti nga Enti Parashkollor „Gëzimi Ynë, nxënës të shkollave f
Basketbollistë e basketbolliste nga klubet Elita dhe OKK Play, entuziastë të këtij sporti nga Enti Parashkollor „Gëzimi Ynë, nxënës të shkollave fillore dhe prindër, kishin mbushur sot sheshin e qytetit në Bujanoc për nderë të hapjes së Festivalit të 12-të Ndërkombëtar të Mini Basketit.
Përveç simbolikave që i përkasin këtij sporti, më të vegjëlit u pajisën me medale nga organizatorët.
Natyrisht se nuk mungoi as prezenca e kryetarit të komunës, Nagip Arifi.
Postimi i kryetarit Arifi lidhur me këtë event:
Sot në sheshin e qytetit, në mesin e shumë fëmijëve sportdashës, hapëm zyrtarisht Festivalin e 12-të Ndërkombëtar të Mini Basketit.
Gjatë tri ditëve Bujanoci do të jetë epiqendra e basketbollistëve të vegjël, të cilët do të garojnë dhe shoqërohen mes vete.
Komuna e Bujanocit edhe këtë vit ka ndihmuar në organizimin e këtij eventi dhe do të vazhdojë që edhe në ardhmen të mbështes organizime të këtilla.
COMMENTS